مارتن يول: حسام غالي كان مساعدي في الأهلي وأتمنى أن أتناول القهوة معه يوماً

مارتن يول، المدرب السابق للأهلي وتوتنهام، وجه رسالة لحسام غالي، كابتن الأهلي السابق، واعتبره جزءًا مهمًا من الفريق خلال فترة تدريبه.

وأضاف يول: “حسام غالي كان ذراعي في الأهلي، وأعتقد إنه من أفضل الكباتن اللي تعاملت معهم، وفعلاً كان عندنا فريق قوي”

وتابع: “في أوقات كنت بحس إن مش هقدر أحقق أكتر من كده، يمكن في دوري أبطال إفريقيا كنا محظوظين شوية، لكن في الدوري كنت دايمًا موجود وبتساعدني، وأنا ممتن جدًا لك على ده”

وواصل: “أنا مش عادة بعمل كده، لكن من أجلك حبيت أخصص وقت وأرسل لك فيديو صغير أعبر فيه عن تقديري لك”

واستكمل: “ورغم مرور وقت طويل، لسه بتمنى أجي مصر وأشرب قهوة معاك، ويمكن في الوقت ده تكون أنت المدير أو المدرب للأهلي، وهيكون شيء عظيم أكون ضيف في الملعب”

وختم يول حديثه: “أرسل لك تحياتي، أنا دلوقتي في هولندا وأحيانًا في لندن، ولم أزر مصر بعد، لكن أتمنى نتقابل مرة تانية، وأتمنى، بما إنك الضيف الرئيسي في الحلقة الأولى من البرنامج، تكون ضيفي الرئيسي كمان”