فيتينها يتمنى فشل لاعب ليفربول وديمبلي قائد بالفطرة

تحدث فيتينها، لاعب باريس سان جيرمان، عن مواجهة ليفربول المنتظرة في دوري أبطال أوروبا والتي ستقام غدًا الأربعاء في ذهاب ربع النهائي.

في نفس السياق، يستضيف باريس سان جيرمان ليفربول على ملعب “حديقة الأمراء” في الساعة التاسعة مساءً بتوقيت القاهرة، والعاشرة بتوقيت مكة المكرمة.

وقال فيتينها في المؤتمر الصحفي قبل اللقاء: “عثمان ديمبلي كان دائمًا لديه روح القيادة حتى لما كانش قائد الموسم الماضي، اللي بيقدمه في الملعب مُعدٍ لباقي اللاعبين، هو قائد بالفطرة، بعد حصوله على الكرة الذهبية، الوضع اتغير لكن هو كان كده من زمان”

وعن غياب فابيان رويز، أوضح: “هما لاعبان مختلفان (فابيان رويز ووارن زاير-إيمري) وكل واحد ليه دور مختلف، إحنا بنتأقلم مع ده، وأظهرنا قبل كده إنه لما يغيب واحد، الفريق قادر يتحمل المسئولية ويحقق الفوز”

وعن حالته البدنية، قال: “لستُ قوي البنية! لكني كنت محظوظ بعدم التعرض لمشاكل بدنية كتير، بس أحيانًا ما تقدرش تتحكم في ده، كلنا محترفين ونعرف نستعيد جاهزيتنا بشكل كويس”

وبخصوص فرصة باريس سان جيرمان في عبور ليفربول، ذكر: “أنتم من تقولوا إننا مرشحين، زي ما قلتوا عن ليفربول السنة اللي فاتت، وده ملوش معنى، إحنا عارفين كرة القدم كويس، مفيش مرشح حقيقي حتى لو حالتهم مش مثالية، لسه فريق كبير مع لاعبين كبار”

وعن تصريح ديمبلي بعد مباراة رين، قال: “أتذكره، وتحدثنا عنه، إحنا هادئين ونعرف بعض كويس، كان متحمس شوية وده طبيعي، كان عنده حق في جزء مما قاله، تقبلنا الأمر وواصلنا العمل وحققنا نتيجة كويسة”

وعن إيكتيكي، أضاف: “إنه شخص رائع، واستمتعت بالسنة اللي لعبنا فيها مع بعض، عنده إمكانيات كبيرة لكن للأسف السياق ما كانش مناسب لمشاركته، قدر يغير الأمور لصالحه، أتمنى له التوفيق باستثناء المباراتين دول”