أثنى تييري هنري، أسطورة آرسنال والكرة الفرنسية، على نجم بايرن ميونخ بعد تألقه أمام ريال مدريد أمس الثلاثاء في دوري أبطال أوروبا، وأشار إلى أن عقليته مميزة جدًا.
بايرن ميونخ فك العقدة أمام ريال مدريد وحقق الفوز لأول مرة منذ 2012، بنتيجة 2-1 في ذهاب ربع نهائي دوري الأبطال.
المباراة شهدت تألق مايكل أوليس، لاعب بايرن، اللي كان مزعج للاعبي ريال مدريد خلال اللقاء.
هنري قال في تصريحات لشبكة ”cBs sports” إن أوليس عنده رؤية خاصة لكرة القدم، ووصفه بأنه ليس كباقي اللاعبين، رغم أنه يبدو خجول، لكنه عقلية مميزة ورؤية فريدة للعبة.
وأضاف: “لما يستحوذ على الكرة، بيشوف حاجات مش شايفها غير القليل، وبيفهم اللعبة بطريقة مختلفة، فهو يعتمد على عقله أكتر من عينيه، وبيحاول يتخيل اللي هيحصل بمجرد ما الكرة تنطلق من الحارس، لازم تتوقع اللي هيحصل بعد كده”
وتابع: “كلنا عارفين إنه بارع في المراوغة، وعنده طريقة خاصة في النظر للعبة والحياة، عشان كده ممكن الناس برة الملعب مش تفهمه، لكنه شخص لطيف ورائع، مش بيتكلم كتير برة الملعب، لكن لما الكرة معاه، بيظهر نفسه بشكل رائع من خلال أدائه”
أوليس يعتبر من أبرز المرشحين للانتقال إلى ليفربول الفترة الجاية، عشان يعوض محمد صلاح اللي هيترك الفريق بنهاية الموسم.
التعليقات