كشف الإعلامي أحمد شوبير عن خطة الأهلي لتدعيم فريق الكرة، وأكد إن النادي ناوي يعمل تغييرات كبيرة في قائمة اللاعبين.
تغييرات في صفوف الأهلي
وقال شوبير في تصريحاته عبر قناة “أون سبورت إف إم”: “الأهلي هيشهد تغييرات كبيرة في اللاعبين، تغييرات بالجملة”.
وبخصوص الصفقات، أضاف: “الأهلي مش هيدور على أسماء بس، بل عايزين لاعبين مؤثرين في الملعب”.
أهمية وجود مهاجم مميز
وتابع: “لما انضم وسام أبو علي، اتعرض لانتقادات، لكن من وجهة نظري، عدم وجود مهاجم بنفس مستواه كان من أسباب أزمة الأهلي”.
وواصل: “وسام كان له تأثير كبير مع الأهلي سواء في الأحداث اليوم الإفريقية أو المحلية، وغيابه أثر بشكل كبير، والنادي ما قدرش يعوضه رغم المحاولات”.
تحديات الأهلي والزمالك
شوبير أشار كمان إن المشكلة دي مش جديدة، موجودة في الأهلي والزمالك وأندية تانية، لكن الفرق إن الأهلي والزمالك دائمًا تحت الأضواء.
خطط الأهلي للموسم الجديد
وذكر شوبير إن الأهلي هيضم صفقتين قويتين، مع تركيز واضح على خط الهجوم، وهذا شبه مؤكد.
وأضاف: “الأهلي هيكون مفتوح لأي لاعب عايز يمشي لو جاله عرض جيد، وهيوافق عليه من غير أي مشاكل”.
وتابع: “بعد كده، الأهلي هيبدأ يفكر في البدائل، وهيشتغل على إعادة بناء الفريق بشكل كبير في الفترة الجاية، لكن بهدوء وبدون تسرع عشان ما تتكررش الأخطاء”.
وأتم: “أنصح الأهلي إنه ما ينجرفش وراء فكرة الصفقات بشكل مبالغ فيه، لأن معظم صفقات الشتاء ما شاركتش بشكل أساسي، زي كامويش وعمرو الجزار وهادي الرياض اللي شارك بسبب الإصابات، وكمان أحمد رمضان بيكهام ومصطفى العش، فلازم إعادة النظر في الموضوع ده، والنصيحة دي مش للأهلي بس، بل لكل الأندية”.
التعليقات