علق معتمد جمال، المدير الفني للزمالك، على المباراة المهمة اللي هتجمع فريقه مع شباب بلوزداد الجزائري في نصف نهائي كأس الكونفدرالية.
الزمالك هيحل ضيفًا على شباب بلوزداد في الذهاب، المباراة هتبدأ الساعة تسعة مساء غدٍ الجمعة على استاد نيلسون مانديلا، ومباراة العودة هتكون يوم 17 أبريل على استاد القاهرة الدولي.
وقال معتمد جمال في المؤتمر الصحفي: “احنا عارفين إن اللقاء صعب، ودي مواجهة من شوطين، الأول بكرة في الجزائر، وهدفنا نحقق نتيجة إيجابية تسهل علينا مباراة العودة في القاهرة عشان نتأهل للنهائي”
وتابع: “احنا هنتحدى فريق قوي، مش تأهلوا بالصدفة، وبالتأكيد شباب بلوزداد متابعين لمبارياتنا زي ما احنا تابعناهم”
وواصل: “الفريق المنافس له جماهيرية كبيرة، وعندنا خبرات كتير في مواقف زي دي، واللاعبين عندهم خبرة في مثل هذه المواجهات”
وأضاف: “الضغوط اللي تعرضنا لها منحت الفريق دوافع كبيرة، احنا الفريق المصري الوحيد في الأحداث اليوم الإفريقية، ومش عايزين نخرج من البطولة، ونتمنى نحقق اللقب”
وتحدث عن غياب اللاعبين السابق: “صفوف الزمالك ما كانتش مكتملة قبل كده، وعانينا من الإصابات والغيابات، لكن دلوقتي الصفوف مكتملة، وكل اللاعبين جاهزين بدنيًا وفنيًا، وعايزين نقدم أفضل ما عندنا”
وأشار: “الزمالك من أفضل الفرق اللي بتسجل في الدوري المصري وكأس الكونفدرالية، ومشينا بخطى ثابتة، ونصف النهائي صعب التعويض فيه عكس دور المجموعات، وعندنا هدف لازم نحققه”
وتابع: “شباب بلوزداد فريق متوازن، وتغيير الجهاز الفني ممكن يكون دافع إضافي ليهم، ودرسنا طريقة لعبهم، وأعتقد إن الفريقين عارفين بعض كويس، والزمالك مركز على البطولة، وأتمنى التوفيق في مباراة بكرة”
وأضاف: “عارفين أهمية اللقاء قدام فريق قوي على ملعبه ومع جماهيره، وكمان عندهم عناصر مميزة في كل الخطوط، وأنا واثق في لاعبي الزمالك وقدرتهم على تحقيق الهدف، ومش بنخاف من المنافس، لكن بنحترم شباب بلوزداد، ومستعدين كويس للقاء”
واختتم معتمد جمال بقوله: “الزمالك عنده ثلاثة حراس مرمى دوليين، ومفيش أي مشكلة في المركز ده”
التعليقات