علق سام ألاردايس المدرب السابق في الدوري الإنجليزي على قرار آرني سلوت مدرب ليفربول بجلوس محمد صلاح بديلاً في الهزيمة أمام باريس سان جيرمان بهدفين نظيفين بدوري أبطال أوروبا.
صلاح واجه انتقادات بسبب تراجع مستواه حيث سجل 10 أهداف في 35 مباراة بجميع المسابقات هذا الموسم.
قال ألاردايس في تصريحات لموقع “Boyle Sports”: “أعتقد أنه صعب على سلوت استبعاد صلاح الآن بعد ما أصبح رحيله معروف للجميع، لكنه لازم يتخذ القرار المناسب للفريق لأنه تحت ضغط كبير”
من ناحية تانية، أضاف: “لو سلوت حس أن صلاح مش بيساهم كفاية، لازم يتخذ القرار الصحيح كأي مدرب، لأنه هو المسؤول عن الفريق”
وتابع ألاردايس أن إهدار صلاح للفرص بيأثر على ثقته بنفسه: “ممكن تشوف ده على وجهه، هو مش مصدق الفرص اللي بيضيعها”
وأضاف: “أهدر ركلة جزاء ضد مانشستر سيتي كان المفروض يسجلها بسهولة، لكنه تردد وده ساعد المدافع في التصدي له، وبعدها أهدر ركلة جزاء تانية، لما يوصل الأمر لكده، الثقة بتبدأ تتأثر بشكل كبير”
وختم: “صلاح ضيع ركلة جزاء كأنها تمريرة للحارس، واضح إنه مش في الحالة الذهنية اللي تخليه يسجل، وللأسف ده مستمر معاه فترة طويلة، التحرك اللي كان بيعمله في الناحية اليسرى وتسديدته في الزاوية العليا، مش شايفها إلا مرة أو مرتين هذا الموسم بعد ما كنا بنشوفها عشر مرات كل سنة”
التعليقات