كشف محمد كمونة، لاعب الزمالك ومنتخب مصر السابق، عن رأيه في الوضع الإداري في النادي والاضطرابات اللي بيعاني منها الفريق في السنين الأخيرة، وقال في ندوة أحداث اليوم إن الزمالك محتاج شغل أكبر في الإدارة.
وأضاف كمونة إن النادي عنده مجموعة لاعبين مميزين بس الوضع الإداري “صفر” وده مأثر على الأداء والنتائج المطلوبة، ورغم كل الإمكانيات لكن غياب الاستقرار بيخلي الفريق مش قادر يوصل للنجاحات.
من ناحية تانية، تساءل كمونة عن السبب في الوصول لإيقاف القيد رقم 14، ولفت الانتباه لوجود أخطاء واضحة في التعاقدات، سواء عدم إتمام صفقات مهمة أو التعاقد مع لاعبين لم يقدموا المستوى المأمول.
وفي نهاية كلامه، قال إن معظم أعضاء مجلس الإدارة بيخوضوا التجربة دي لأول مرة، وبيحاولوا يحلوا الأزمات لكن الزمالك محتاج خبرات أكثر عشان يحقق الاستقرار المطلوب.
التعليقات