تحدث الهولندي آرني سلوت، المدير الفني لفريق ليفربول، عن استعدادات الفريق قبل مواجهة فولهام في الدوري الإنجليزي.
يستعد ليفربول لملاقاة فولهام مساء اليوم، السبت، في الجولة الـ32 من الدوري الإنجليزي الممتاز.
المباراة هتكون على ملعب “آنفيلد” الساعة السادسة ونصف بتوقيت القاهرة، والسابعة ونصف بتوقيت مكة المكرمة.
قال سلوت في تصريحات لموقع “thisisanfield”: “الانتقال لحقبة ما بعد يورجن كلوب؟ اتفقت مع الملاك على ده قبل سنة ونصف، كرة القدم بتحتاج لتدوير مستمر”
وأضاف: “الشيء الجيد هو إن مو (محمد صلاح) وروبو (أندرو روبرتسون) أعلنا رحيلهما، لكنهم اشتغلوا مع لاعبين جدد كمان”
وتابع: “أنا سعيد إن مو وروبو شافوا مدى أهمية النادي ومدى اجتهادهم في العمل مع كل اللاعبين الجدد اللي ضمناهم الصيف الماضي”
وأشار: “دي عملية طبيعية في الأندية الناجحة، فترة بتخلص وفترة جديدة بتبدأ، مش حاجة جديدة علينا”
واستطرد: “الشيء الرائع هو إننا يمكن أجلنا التدوير للموسم الماضي”
وعن دعم الإدارة له بعد الموسم الصعب: “الأمر مش بس في الكلام عن الدعم، لكن في الأفعال، أحيانًا مفيش داعي نقول إننا بندعم، لكن الدعم واضح”
وأكد: “حسيت بالدعم من أول ما جيت هنا، وبالتأكيد في الفترة الأخيرة، مش هقدر أقولكم إيه اللي بنقوله لبعض، لكن كلنا شايفين نفس الحاجة”
وأضاف: “المالكين، ريتشارد (هيوز)، مايكل (إدوارد)، كلنا شايفين اللي بيحصل، ومتفقين على الأسباب”
وواصل: “الكل شايف الأسباب، ليه أقول لهم دائمًا؟ ده هيكون زي تقديم أعذار، ومش كويس تقديم الأعذار”
وأتم: “الأمور واضحة لدرجة إن الكل يقدر يشوفها، لو مش عايز تشوف لأسباب معينة، مفيش مشكلة، لكن الأمور واضحة جدًا ومش صعب إنك تشوف المشاكل اللي واجهناها”
التعليقات