أوسكار رويز، رئيس لجنة الحكام في الاتحاد المصري لكرة القدم، وضح الفروق بين لقطة ركلة جزاء في مباراة الأهلي وسيراميكا كليوباترا، ولقطة مشابهة في مباراة بيراميدز والمصري.
قال أوسكار في تصريحات لقناة أون سبورت إن اليد في مباراة سيراميكا كانت للأسفل بينما في مباراة بيراميدز اللاعب رفع يده لأعلى، وبالتالي اللعبتين مختلفتين تمامًا والفارق هنا في مكان يد اللاعب أثناء لمس الكرة.
وأضاف أنه لو شافوا كأس العالم هيتأكدوا إن أوسكار كان على حق، لأنه من الطبيعي تكون يد اللاعب بجانبه وهو كان بيحاول يتجنب لمس الكرة بيده، لكن في مباراة بيراميدز اللاعب عمل حركة إضافية للأعلى وأعاق مسار الكرة.
وفيما يخص شكوى الأهلي، قال أوسكار إنه بكرة هيستقبلوا وفد النادي، وهما هيعرفوا وجهة نظرهم، وبعد كده هيستمعوا للتسجيلات، وبعدين هيكشفوا الحقائق، مع تأكيده إنه مفيش حاجة مخفيينها.
أما عن لقطة دفع الحكم لتريزيجيه، فعلق أوسكار بأن الحكم كان بيحاول يمنع اللاعب من الاقتراب منه، وكأنهم في موقف شرطي، ولازم يكون فيه احترام متبادل بين الحكم واللاعبين.
وتابع أوسكار إنه في مباراة هولندا والبرازيل، جمال الغندور كان بيحافظ على اللاعبين، والحكم الإيراني دفع أحد اللاعبين، لكن الاعتداء من أي طرف غير مقبول، ويمكن لمس الحكم للاعب للحفاظ على المسافة بينهم.
وبخصوص الاتهام الموجه لوفا بالاعتداء اللفظي على لاعبي الأهلي، أكد أوسكار إنهم سمعوا كل التسجيلات، وعلشان كده بيتكلموا بثقة، وهيعرضوا التسجيلات عليهم، لكنه مش هيقول حاجة النهاردة احترامًا للنادي الأهلي.
وفي النهاية أكد أوسكار إنه هيعرض لوفد الأهلي كل اللقطات والزوايا المعروضة وغير المعروضة، وهيعرضوا عليهم التسجيلات المتاحة لغرفة الفيديو.
التعليقات