طارق يحيى ينتقد جون إدوارد بسبب الأوضاع المعيشية للفريق

انتقد طارق يحيى، نجم الكرة المصرية السابق، وجود طبيب أجنبي ضمن الجهاز الفني لنادي الزمالك، وأكد أن هذا الأمر يحتاج لمراجعة.

قال طارق يحيى في تصريحات له على راديو ميجا إف إم: “لا عندي مشكلة مع وجود مدير رياضي في الزمالك، لكن مش معقول النادي يتفرغ من أبنائه ورموزه”

على جانب آخر، أضاف: “جون إدوارد جاب طبيب أجنبي، “هو أحنا لاقيين ناكل؟”، مش فاهم ليه الطبيب الأجنبي موجود دلوقتي في الزمالك”

وتابع: “تجربة جون إدوارد فشلت بكل المقاييس، ومش عارف ليه لسه موجود بعد البيان الأخير اللي أصدره”

وواصل: “الزمالك أكبر من أي شخص، والجميع زعلان من البيان الأخير لجون إدوارد، وإدارة الزمالك مش عارفة تاخد موقف بسبب الشرط الجزائي”

وأكمل: “شرف لأي حد يكون مدير رياضي للزمالك، ووجود شرط جزائي في عقد جون إدوارد تهريج، وكان لازم الإدارة الرياضية تمشي بعد أزمة عبد الحميد معالي الأخيرة”

واختتم: “حزين جدًا على الزمالك، ومشفتش الزمالك في الحالة دي من أربعين سنة، والصفقات اللي بيعملها النادي مش لائقة باسمه”