رفضت محكمة التحكيم الرياضية الدولية “كاس” الاستئناف اللي قدمه نادي الزمالك ضد قرار غرفة تسوية المنازعات في الفيفا بخصوص اللاعب السنغالي إبراهيما ندياي، وبكده الحكم بقى نهائي وواجب التنفيذ.
تفاصيل الحكم
جاء قرار “كاس” بتأييد الحكم السابق من الفيفا، اللي أكد أحقية إبراهيما ندياي في الحصول على مستحقاته المالية المتأخرة من نادي الزمالك، من غير أي تعديل.
الالتزامات المالية
وبحسب معلومات أحداث اليوم، وبموجب الحكم النهائي، الزمالك مطالب بسداد مبلغ مليون و700 ألف دولار لصالح اللاعب كتعويضات ومستحقات تعاقدية، وكمان فيه مبلغ إضافي قدره 450 ألف جنيه، وهو ما هيزود الأعباء المالية على النادي في الفترة الحالية.
عواقب التأخير
عدم التزام الزمالك بسداد المستحقات دي ممكن يدخل النادي في قضية عاشرة أمام الفيفا بسبب النزاعات المالية المعلقة، وكمان تأخير السداد ممكن يسبب عقوبة إيقاف القيد، اللي هتمنع الزمالك من تسجيل صفقات جديدة.
كمان الأزمة دي جاية في وقت حساس، الزمالك بيحاول يعيد الاستقرار الإداري والمالي ويتجنب أي عقوبات جديدة ممكن تأثر على مستقبل الفريق محليًا وقاريًا.
التعليقات