كشف الإعلامي أحمد شوبير عن تغييرات كبيرة في قائمة منتخب مصر، حيث هيكون في 8 لاعبين مش هيتواجدوا في المعسكر الجاي تحت قيادة الكابتن حسام حسن، في خطوة لإعادة تشكيل الفريق قبل كأس العالم.
شوبير قال في تغريدة له: “هيكون فيه من 5 إلى 8 لاعبين غير متوقعين هينزلوا من حسابات حسام حسن، وهيكون في إحلال وتجديد استعدادًا للبطولة، والمفاجآت هتبدأ من معسكر مارس الجاي، خصوصًا في خط الهجوم”
من ناحية تانية، شوبير وضح موقف الأهلي من جراديشار، حيث النادي متمسك به إلا لو لقى بديل أجنبي مميز. وقال شوبير: “الأهلي مش هيفرط في جراديشار إلا لو جابوا لاعب جديد بمواصفات عالية، لو مفيش هيعتمد على الثلاثي جراديشار ومحمد شريف ومروان عثمان، وكمان حمزة عبد الكريم هيكمل مع الفريق”
في خبر تاني، شوبير أعلن عن رحيل أحد اللاعبين داخل الأهلي إلى سيراميكا كليوباترا، واللاعب ده محبوب جداً من الجماهير. وفي تغريدة له قال: “فيه لاعب جوكر ومحبوب جداً من جمهور الأهلي هيكون قريب من الانتقال لسيراميكا كليوباترا، مع عمر كمال ضمن صفقة مروان عثمان”
وفي نفس السياق، شوبير أكد أن الأهلي عاوز يحتفظ بالمالي أليو ديانج حتى نهاية الموسم، والمدير الفني ييس توروب قرر إنه مفيش رحيل لديانج. وأوضح إن نادي جيرونا الإسباني نفى تقديم عرض لضم اللاعب، ولو مفيش عرض مناسب، ديانج هيمشي مع الأهلي 6 شهور كمان.
ديانج كان راجع من مالي بعد ما شارك مع منتخب بلاده في كأس الأمم الأفريقية اللي بتقام في المغرب حالياً.
التعليقات