تحدث حسام حسن المدير الفني لمنتخبنا الوطني الأول لكرة القدم عن مشاركة منتخبنا في بطولة كأس أمم إفريقيا، وكمان استعدادات الفراعنة لبطولة كأس العالم 2026.
قال العميد خلال المؤتمر الصحفي اللي اتعمل في اتحاد الكرة إن النظام والانضباط في المعسكر كان له دور كبير في النجاح، وده من المرات النادرة اللي يخرج فيها معسكر منتخب مصر من غير أي مشاكل أو تعليقات، وده ساعدنا نلعب 21 مباراة ونخسر واحدة بس.
وأضاف حسام إنه طالب إبراهيم حسن بجمع بيانات اللاعبين مزدوجي الجنسية، خصوصًا اللي أعمارهم قريبة من منتخب الأول، وهنتابعهم وإذا قدرنا نستفيد من 3 أو 4 لاعبين هيكون شيء كويس جدًا.
في نفس السياق، أشار إلى إن منتخبنا دخل بطولة كأس الأمم بقوام فيه مشاكل كتير، ومع ذلك وصلنا لنصف النهائي، وده شيء يستحق الإشادة، وبالحديث عن البطولة المحلية قال إنها محتاجة تطوير، خصوصًا في عدد اللاعبين المحترفين، والفرق الكبيرة حاليًا معظم مهاجميها محترفين، ولازم ندي فرصة للاعبين المحليين.
وعلى جانب آخر، حسام تحدث عن غياب الجماهير، وقال إن الحضور الجماهيري كان ميزة لمنتخبنا، لكن دلوقتي نحتاج لعودتهم في كل المحافظات.
واختتم حديثه بالرد على سؤال عن خطة خفض معدل الأعمار في الفريق، وأكد إن عندنا نجوم زي الشناوي وصلاح وربيعة وزيزو وغيرهم، ورغم أعمارهم الكبيرة، الأهم هو جودة اللاعبين، ولو اللاعبين مميزين هيدخلوا القائمة، وده فعلاً حصل في التصفيات.
التعليقات