مجدي عبد الغني، نجم الكرة المصرية السابق، علق على تصريحات حسام حسن، المدير الفني لمنتخب مصر، خلال المؤتمر الصحفي اليوم بمقر الاتحاد المصري، وأكد إن مشكلة الكرة المصرية أكبر من مجرد كلام.
وفي برنامج “يا مساء الأنوار” مع مدحت شلبي على قناة MBC مصر 2، قال عبد الغني: “حسام حسن مش زي الكابتن محمود الجوهري الله يرحمه، الجوهري كان له أسلوبه المميز في الكلام، لكن حسام أحيانًا بيكون معبرش بشكل واضح”.
وأضاف عبد الغني إن موضوع تطوير الدوري مش جديد، حيث أوضح: “كلنا عارفين إن الدوري محتاج تطوير، مفيش دوري في العالم بـ21 فريق، ولا دوري بيتلعب من غير جدول ثابت للملاعب والمنافسين، والدوري الثاني أصلاً محدش عارف عنه حاجة”.
وطالب بتقليل عدد أندية الدوري لـ16 فريق على الأكثر لو فيه نية حقيقية لتطوير الكرة المصرية، وأشار إن الدوري في جيله كان بـ14 فريق بس.
وانتقد عبد الغني سياسة التعاقدات ورواتب اللاعبين، وقال: “سقف التعاقدات معمول غلط، واللاعبين لو خرجوا لأي دوري تاني مش هيقدّموا نفس المستوى رغم إنهم بياخدوا ملايين”.
وفي سياق آخر، تطرق للحديث عن أزمة بعض المراكز، خاصة الظهير الأيسر، مؤكدًا صعوبة الاعتماد على لاعبين من أندية غير جماهيرية في المباريات الكبيرة، بسبب عدم اعتيادهم على الضغط الجماهيري.
واختتم حديثه بالتعليق على المدير الفني للنادي الأهلي، وقال: “بيس توروب، المدير الفني للأهلي، لسه ما نعرفش نحكم عليه، ولا نقدر نقول نجح أو فشل، ولسه ما نعرفش مية سقع ولا لسه عارف حاجة”.
التعليقات