كسر أحمد مجاهد، رئيس اتحاد الكرة السابق، صمته أخيراً وخرج ببيان قوي رد فيه على ما وصفه بحملة التشويه اللي بتلاحقه في الفترة الأخيرة، خاصة بعد الأحداث التحكيمية اللي حصلت في مباراة الأهلي وسيراميكا كليوباترا في الدوري المصري.
خروج عن الصمت
كتب أحمد مجاهد على صفحته الرسمية على “فيسبوك” إنه من يوم 5 يناير 2022 وهو بعيد عن الاتحاد، ورغم كده اسمه دايمًا مرتبط بأحداث كثيرة بشكل غير صحيح، وذكر إن خطاب استضافة النهائي الإفريقي بين الأهلي والوداد وصل له بعد مغادرته الاتحاد.
تريزيجيه والشناوي ولاد كفر الشيخ
أضاف مجاهد إنه من ضمن الأكاذيب اللي قيلت عنه إنه كان له دور في أحداث مباراة الأهلي وسيراميكا، وذكر إنه من كفر الشيخ وده مش عيب، وارتبط اسمه بمحمود وفا حكم المباراة اللي كمان من كفر الشيخ، ولكنه نسي الناس إن محمد الشناوي كابتن الأهلي وطُرد في نفس المباراة برضه من كفر الشيخ، وده يعتبر ابن بلده، كمان تريزيجيه من كفر الشيخ وكان له علاقة طيبة مع عائلته، واهتم بتدريبه في مراحل مختلفة.
وعند الله تجتمع الخصوم
اختتم أحمد مجاهد بيانه بالحديث عن حسام النشيلي ومحمود البنا، وذكر إنهم من كفر الشيخ، وأكد إنه لو كان له يد في الأمور كان منع محمود البنا من الخروج من القائمة الدولية، وطالب الجميع بتحري الحقيقة.
التعليقات