قال محمد حتحوت، لاعب إنبي، إن منتخب مصر مع كابتن حسام حسن قادر على تشريفنا في كأس العالم، وخصوصًا مع وجود صلاح ومرموش، اللي هيكونوا عامل مؤثر مع زملائهم لتحقيق هدف التأهل للدور الثاني.
وتكلم حتحوت في تصريحات له على برنامج نجوم دوري نايل مع أحمد المصري عبر أون سبورت إف إم، وقال إن منتخب مصر زي العائلة، واللاعبين حابين يحققوا إنجاز عالمي للكرة المصرية، وكمان لمحمد صلاح، زي ما الأرجنتين لعبت 2022 عشان ميسي، لازم إحنا نلعب عشان صلاح.
وعن الدوري، أكد حتحوت إن سموحة هو الحصان الأسود هذا الموسم، قدموا أداءات رائعة ونتائج كويسة، ويستحقوا كل اللي حققوه لحد دلوقتي، وكابتن حمزة الجمل وكابتن محمد الشيخ هما من أفضل المدربين في مصر حالياً.
وواصل حتحوت حديثه عن البرازيلي خوان بيزيرا، ووصفه بأنه أفضل لاعب في مصر هذا الموسم، لاعب عالمي بمستوى مختلف، وأعرب عن أمنيته في اللعب لأحد القطبين، مشيرًا إنه كان عنده فرصة للعب للزمالك لكن التجنيد حال دون ذلك.
واختتم محمد حتحوت كلامه بإن عنده هدفين، الأول هو تحقيق بطولة هذا الموسم وإنهاء الدوري ضمن المربع الذهبي عشان يشاركوا في البطولات القارية، والثاني هو اللعب في أحد أندية القمة أو الاحتراف في الخارج.