وجه أحمد شوبير، حارس مرمى الأهلي ومنتخب مصر السابق، رسالة مهمة لمسؤولي الأهلي بخصوص المنافسة على الدوري هذا الموسم، وحذر من الوقوع في نفس أخطاء الزمالك في السنوات الأخيرة.
شوبير قال في تصريحات إذاعية إنه السنة اللي فاتت كان فيه انتقادات كبيرة لقصة الشكوى والمظلومية اللي كان الزمالك بتعاني منها، والنهاردة الأهلي داخل في نفس القصة.
وأضاف أنه حصل خطأ واضح في مباراة سيراميكا، لكن لازم الأهلي كمان يحسب حسابه لباقي المباريات، خصوصا التعادلات والخسائر والخروج من دوري الأبطال.
وعلى جانب آخر، شوبير تحدث عن الإسماعيلي وقال: “يا إسماعيلي، عايز تسمع المحادثات، وأنت يا أهلي عايز تسمع المحادثات، سمعوهم يا اتحاد الكرة، مش هتكونوا مرتاحين كده”
شوبير أشار إلى أهمية وجود برنامج أسبوعي مع مسؤولي الأندية من خلال لجنة الحكام، بحيث يتم توضيح اللقطات المثيرة للجدل، زي ما كان بيعمل كلاتنبيرج.
وكشف عن تجربة سابقة في اتحاد الكرة، حيث كان يتم عمل جلسات حكام يحضرها المدربين، لكن القصة اتلغت بعد شكاوى من بعض المدربين.
وأكد أنه لما تظهر كل الأمور في البرامج، الأمور هتكون أوضح، وده هيخلي الأهلي يحسب خطواته مع الفريق.
وفي النهاية، شوبير قال للأهلي: “عايز تكسب الدوري؟ لازم تكسب الأربع مباريات الجايين، الموضوع بسيط ومتاح”