أعلن الإعلامي أمير هشام إن الأهلي ناوي يعين مدير تعاقدات جديد بعد رحيل أمير توفيق، والوقت الحالي أسامة هلال متولي المهمة بشكل مؤقت.
وقال في برنامجه مودرن سبورتس على قناة Modern Mti إن الموضوع شبه محسوم، وعصام سراج هيكون هو مدير التعاقدات الجاي، وهو سبق واشتغل في نفس المنصب قبل كده.
ومن ناحية تانية، أكد إن كل الأقاويل عن تعيين سيد عبدالحفيظ في منصب جديد مش صحيحة، وهو دلوقتي عضو مجلس الإدارة ومكلف بالإشراف على قطاع الكرة مع ياسين منصور، وهيكون قريب من الفريق الأول في الفترة الجاية وهو عارف كل التفاصيل الخاصة بفريق الكرة.
وكمان أضاف إن في أسماء تانية مرشحة للاسكاوتنج واللجنة الفنية، اللي كانت معروفة قبل كده بلجنة التخطيط، وفي أسماء كتير مطروحة للعمل في المنصب ده، بالإضافة لأسماء تانية مرشحة لمنصب مدير الكرة.