كشف محمد رشوان، المحامي بالنقض، عن تفاصيل اجتماع مجلس إدارة النادي الزمالك-تطورات-جديدة-في-القضية-و-182147/">الأهلي “الودي” بخصوص الأزمة اللي بينهم وبين اتحاد الكرة بسبب الحكام.
قال رشوان، في حديثه عبر برنامج “نمبر وان” على قناة “cbc”، إن اجتماعات الأهلي عادةً بتكون يوم الأربعاء، حتى في الأوقات اللي كانت أصعب من اللي بنمر بيها دلوقتي.
وتابع إنه اجتماع اتحاد الكرة كان معروف من فترة، وجلسة الأهلي النهاردة كانت ودية، مش رسمية، وناقشوا فيها مجموعة من الملفات القانونية المهمة.
كمان وضح إنه المجلس تناول في الجلسة الودية موضوعات تتعلق بمباراة القمة الأخيرة، والغرامة اللي اتفرضت على النادي، وراجعوا الخيارات المتاحة لو الإدارة حبت تقدم شكوى لوزارة الشباب والرياضة أو تتجه للتصعيد الدولي.
وأضاف إن الأهلي حقق هدفه من الضغط، خاصة بعد ما أعلن اتحاد الكرة رسمياً إنه هيتم إذاعة الحالات الجدلية لمحادثات الـVAR في الدوري المصري بداية من الموسم الجاي، وده يعتبر انتصار لرؤية النادي في تحقيق الشفافية.
وأكمل إن الدكتور مصطفى عزام، رئيس اللجنة المنظمة باتحاد الكرة، له كل الاحترام، وأكد بوضوح إنه مفيش أي إساءة تجاه وفد الأهلي، واللي حصل كان سوء تفاهم غير مقصود، وده ساهم في تهدئة الأجواء.
وفي نهاية حديثه، قال إن الأهلي دلوقتي عاوز يهدّي الأمور ويقفل الملف ده، لأن النادي عنده 4 مباريات مهمة في الدوري وبيتركز على حصد نقاطها، في نفس الوقت اللي بيعيد فيه هيكلة قطاع الكرة. الإدارة حالياً بتميل لتقديم طلباتها القانونية بعيداً عن الصراعات الإعلامية، ونتمنى الفترة الجاية تكون أفضل للكرة المصرية.